Jaqynda bir sheshimge kelemiz – Tamara Dúısenova shahterlerdiń zeınet jasyn tómendetý jaıly

ASTANA. QazAqparat – Shahterlerdiń zeınetke shyǵý jasyn tómendetý máselesi qashan sheshilýi múmkin? Bul suraqqa Eńbek jáne halyqty áleýmettik qorǵaý mınıstri Tamara Dúısenova jaýap berdi, dep habarlaıdy QazAqparat tilshisi.

«Keshe men jumys berýshilermen kezdestim. Búgin taǵy bir ret kezdesemiz. Jaqynda biz belgili bir sheshimge kelemiz dep oılaımyn», - dedi Tamara Dúısenova Úkimet otyrysynan keıin jýrnalısterdiń suraqtaryna jaýap bere otyryp.

Mınıstr bul másele boıynsha qaı kezde bolsa da, kelisimke kelýge daıyn ekenin málim etti.

«Men erteń-aq belgili kelsimge kelýge daıynmyn. Biraq bul bizdiń seriktesterimizge de baılanysty. Aıdyń sońyna qaraı bul másele boıynsha nátıjeler belgili bolyp qalady dep oılaımyn», - dep túıindedi Tamara Dúısenova.

Eske salaıyq, byltyrdan beri elimizde shahterlerdiń zeınet jasyn tómendetý máselesi talqylanyp kele jatyr.