Jaqynda Almatyda bendıden Álem chempıonaty ótedi

Halyqaralyq deńgeıdegi sport dodasyna  Amerıka, Reseı, Shvetsııa, Fınlıandııa, Norvegııa, Japonııa, Gollandııa, Mońǵolııa, Vengrııa, Latvııa jáne taǵy da basqa   álemniń 15 eliniń qurama komandalary qatysady.

 Jarystyń birinshi, ıaǵnı 29 kúni Qazaqstan qurama komandasy Norvegııamen oınaıdy, al ekinshi kúni AQSh qurama komandasymen synǵa túsetin bolady.  Sondaı-aq birinshi kúni, Shvetsııa-Fınlıandııa komandasymen, al, Reseı - Amerıka qurama komandasymen kezdesedi.

 Sportsúıer qaýym úshin jarystar otandyq - «Elarna», «Habar» telearnalarda tikeleı efır arqyly kórsetiletin bolady. Sondaı-aq, saıystar Bendı halyqaralyq federatsııasy quramyna enetin barlyq  qatysýshy  elderde tikeleı efır arqyly kórsetiledi.

 Álem chempıonatynyń resmı túrde ashylýy 29 qańtar kúni saǵat 14.00-de ótedi.

 Ótken jyly aqpan aıynda,  bendıden halyqaralyq federatsııasynyń týyn FIB prezıdenti Borıs Skrylnık resmı túrde qala ákimi Ahmetjan Esimovke tapsyrǵan. Chempıonattyń ótkizilýi sol kezde belgili bolǵan edi.

 Jarysty ótkizýdi qolǵa alǵan Almaty qalasy men álem chempıonatyn uıymdastyrýshylar  halyqaralyq deńgeıdegi sport dodasyn laıyqty deńgeıde ótkizemiz degen úmitte.