Jaqyn kúnderi Azııa chempıony atanǵan D.Eleýsinov Olımpıada «altynyna» oqtalyp otyr
ASTANA. 12 shilde. QazAqparat - Búgin Qazaq agrotehnıkalyq ýnıversıtetinde Iordanııada ótken Azııa chempıonatynyń jeńimpazdaryna qurmet bildirý sharasy barysynda boksshy Danııar Eleýsinov bul onyń birinshi jeńisi emes ekendigin jáne aldaǵy ýaqytta ózin budan da úlken syndar kútip turǵandyǵyn aıtty.
Sportshynyń aıtýynsha, alda turǵan negizgi syndardyń biri - bıylǵy Álem chempıonaty. «Sodan keıin 2017 jyly Rıo-de-Janeıro qalasynda ótetin kezekti Olımpıada - meniń negizgi maqsatym», - deıdi D.Eleýsinov.
Al jýrnalısterge bergen suhbatynda D.Eleýsinov Iordanııanyń Amman qalasynda ótken Azııa chempıonatynyń uıymdastyrylýy «tıisti deńgeıde bolmady» degen pikirin jetkizdi. Oǵan qaramastan, bizdiń quramamyz jeti altyn jáne bir kúmis medaldarǵa ıe bolyp, jalpykomandalyq esepte birinshi orynǵa shyǵa bildi.
