Jaqyn arada respýblıka óńirlerinde ashylatyn bala baqshalar sanynyń kúrt artýy kútilýde - Úkimet basshysy
ASTANA. Naýryzdyń 10-y. QazAqparat /Qanat Mámetqazyuly/ - Aldaǵy jaqyn aralyqta respýblıka óńirlerinde ashylatyn bala baqshalar sanynyń kúrt artýy kútiledi. Bul týraly búgin QR Parlamenti Májilisiniń jalpy otyrysynda Úkimet basshysy Kárim Másimov málim etti,
dep habarlaıdy QazAqparat.
«Elbasynyń tapsyrmasy boıynsha qazirgi kúni qoldanysta júrgen birqatar baǵdarlamalardyń kúshi joıylyp, olardyń birnesheýi ǵana qalady. Al onyń birqatary tikeleı Prezıdenttiń qadaǵalaýynda bolady, al qalǵany Úkimettik deńgeıde qadaǵalanady. Prezıdenttiń qadaǵalaýynda bolatyn baǵdarlamanyń alǵashqysy Údemeli ındýstrııalyq-ınnovatsııalyq damý baǵdarlamasy bolyp tabylady. Budan bólek Memleket basshysynyń qadaǵalaýynda densaýlyq saqtaýdyń, bilim berýdiń memlekettik baǵdarlamalary jáne tilderdi damytýdyń memlekettik baǵdarlamalary engiziledi. Biz aldaǵy 2-3 aıda dál osy baǵdarlamalardy belsendi túrde talqylaıtyn bolamyz», dedi K. Másimov.
Sonymen birge Premer-Mınıstr Elbasy tapsyrmasy boıynsha «Balapan» baǵdarlamasyn júzege asyrý máselesine toqtala kele, aldaǵy ýaqytta balabaqsha sanyn arttyrý barlyq óńirlerde qarqyndy damıtynyn atap ótti. «Búgingi bizdiń birinshi kezektegi máselemiz kezinde jekeshelenip ketken balabaqshany qaıtaryp alý. Bulardy alý arqyly birneshe aıdan soń elimizdiń barlyq qalalarynda onyń ishinde elordada ashylatyn bala baqshalar sany kúrt artady dep kútemiz», dedi K. Másimov.
