Jaqyn arada emdelgender sany aýyrǵandardan arta túsedi - mınıstrlik
NUR-SULTAN. QazAqparat – QR DSM Qoǵamdyq densaýlyq saqtaý ulttyq ortalyǵynyń dırektory Damır Kóbjasarov koronavırýs boıynsha aldaǵy ýaqytqa optımıstik boljam jasady, dep habarlaıdy QazAqparat tilshisi.
«Іndetke shaldyqqandardy emdeýdiń ortasha kezeńi 16-17 kún. COVID-19 patsıentteriniń sany ilispe aýrýlardyń bolýyna qaraı artýy múmkin», - dedi ol onlaın brıfıng barysynda.
Onyń sózine qaraǵanda, indetke shaldyǵý ósiminiń qarqyny turaqty túrde tómendep keledi, onyń kórsetkishi ortasha eseppen 3-4 paıyz.
«Búginde 1500-den astam adam emdelip shyqty, úsh myńǵa jýyǵy em-dom qabyldap jatyr. Bizdiń ortalyqtyń boljamyna sáıkes, jaqyn arada aýyrǵandarǵa qaraǵanda emdelgender sany arta túsedi. Bul óz kezeginde emdeýdiń ońtaıly qarqyny júrip jatqanyn, sondaı-aq ınfektsııanyń taralýy tómendep jatqanyn baıqatady», - dedi ortalyq dırektory.
