Jaqyn arada Astana mańyndaǵy eldi mekender qalanyń quramyna qosylmaıdy
ASTANA. QazAqparat - Taıaý arada elordaǵa jaqyn ornalasqan eldi mekender men aýyldar qalanyń quramyna qosylmaıdy. Bul týraly «QazAqparattyń» resmı saýalyna Astana ákimdiginiń baspasóz qyzmetinen habarlandy.
Jer qatynastary jáne jerdiń paıdalanylýy men qorǵalýyn baqylaý basqarmasy 2016 jyly qalaǵa aýmaǵyna eldi mekenderdi kirgizý qarastyrylyp otyrmaǵandyǵyn atap ótýde.
Aıta keteıik, búginde qalaǵa jaqyn ornalasqan Aqmola oblysy quramyndaǵy Qoıandy, Qosshy, Talapker, Jibek joly jáne basqa da eldi mekender bar.
Búginde Astana aınalysynan jeke turǵyn úı qurylysyna jer telimin alý máselesi ózekti ekeni belgili. Qazirgi kezde jer telimderin bólýge shekteý engizilgen, alaıda, ınfraqurylym tartylǵan aýmaqtarda jer ýchaskeleri bólinedi degen de nusqaý bar. Degenmen, qazirgi kezde daıyndyq kezeńindegi jer telimderi joq sekildi.
«Qazirgi tańda jer bólý úshin qajetti ınjenerlik kommýnıkatsııalarmen qamtamasyz etilgen daıyn alańdardyń joq bolýyna baılanysty, Astana qalasynda jeke turǵyn úı qurylysyna jer ýchaskelerin berý taıaýda júzege asyrylmaıdy. QR Ulttyq ekonomıka mınıstiriniń 27.03.2015 jylǵy №255 buıryǵymen bekitilgen Erejege sáıkes, jeke turǵyn úı qurylysy úshin jer ýchaskelerin berý bóliniske daıyn alańdardyń bolǵan jaǵdaıynda ǵana jáne azamattardyń qatań kezektilik tártibinde júzege asayrylatyn bolady»,-delingen basqarma málimetinde.
Belgili bolǵandaı, elordada jeke turǵyn úı qurylysyna jer ýchaskelerin alýǵa 110 myńnan astam adam kezekke qoıyldy.
