#JaqsylyqJasa: Jańózendik jastar kóshe tazalaýshylarǵa ystyq shaı men tátti taratty

AQTAÝ. QazAqparat - Jańaózendik jastar «Meıirimdi júrek» aktsııasyn uıymdastyryp, kógaldandyrý mekemesiniń qyzmetkerlerine ystyq shaı men táttiler usyndy, dep habarlaıdy QazAqparat tilshisi.

Sharada jastar 200-ge jýyq qyzmetkerge ystyq shaı men tátti taratty. Qala belsendileri bul jandardyń orny bólek deıdi. Óıtkeni, olar tańnyń atysy, kúnniń batysy demeı, qala tazalyǵy úshin úlken jaýapkershilikpen qyzmet etip júr. Igi sharany erikti jastar alǵash ret ótkizip otyr.

«Meıirimdi júrek» aktsııasy qys aıynda qolǵa alynyp jatyr. Biz, erikti jastar, bul sharany bir aıda úsh ret uıymdastyryp, ótkizgimiz keledi. Aldaǵy jaz mezgilinde de tazalyq saqtap, kúni-túni eńbek etip júrgen osy jandar úshin aýqymdy shara ótkizýdi qolǵa alamyz»,-deıdi uıymdatsyrýshy Qydyrqoja Ahanov.

Kóshe tazalaýda 10 jyl eńbek etken Rahat Ótkinbaeva qystyń sýyq kúnderinde qamqorlyq kórsetip, nazar aýdarǵan jas býynǵa rıza boldy. Qýanyshqa bólengen ol volonter jastarǵa alǵysyn aıtty.