#JaqsylyqJasa: Sandyqtaýda muqtaj jandar úshin qaıyrymdylyq sóresi ashyldy

KÓKShETAÝ. QazAqparat - Aqmola oblysynyń Sandyqtaý aýdanynda «#JaqsylyqJasa aktsııasy sheńberinde kez kelgen turǵyn satyp alǵan taýaryn muqtaj jandar úshin dúken sóresine qaldyryp ketýine bolady, dep habarlaıdy QazAqparat tilshisi.

Sandyqtaý aýdanynda «Qaıyrymdylyq sóresi» jobasy bastaý aldy. Aqpannyń 20-synda Balkashıno aýylyndaǵy «Almatınka» dúkeninde «Qaıyrymdylyq sóresi» ashyldy. Arnaıy ornatylǵan sórede: «Munda tegin azyq - túlik alýǵa bolady. Bul shynaıy júrektiń qalaýy boıynsha jasalyp otyr!» dep jazylǵan.

«Sórege kez kelgen adam óz qalaýymen muqtaj jandar úshin nan, konservi, sút, makaron jáne ózge de azyq-túlik ónimderin qaldyrýǵa bolady», - dep jazdy Sandyqtaý aýdanynyń ákimi Asylbek Ismaǵambetov óziniń ınstagram paraqshasynda.

Osyndaı taǵy bir «Qaıyrymdylyq sóresi» Balkashınodaǵy «Olga» dúkeninde de ashylǵan bolatyn.

«Balkashınodaǵy «Olga» dúkeninde árqaısymyz jaqsylyq jasaı alamyz. Ol úshin azyq-túlik satyp alyp, «Qaıyrymdylyq sóresine» qaldyrýǵa bolady. Ómirdiń qıyn jaǵdaıyna dýshar bolǵan kez kelgen adam osy sóreden ózine qajetti taýardy tegin ala alady», - deıdi aýdan ákimi áleýmettik jelidegi jazbasynda.

Eske sala keteıik, Qazaqstan boıynsha qolǵa alynǵan #JaqsylyqJasa aktsııasy sheńberinde elimizdegi kásipkerler men qarapaıym azamattar muqtaj jandar men aıazdy kúni jolda qalǵan adamdarǵa kómektesýde.