#JaqsylyqJasa: Polıtseıler jalǵyzbasty zeınetkerdiń qaryn kúrep berdi
QOSTANAI. QazAqparat - Ýchaskelik polıtsııa qyzmetkerleri Qostanaı qalasy turǵynynyń ótinishin jerde qaldyrmaı, úsh «KamAZ» jipsik qaryn shyǵaryp berdi, dep habarlaıdy «QazAqparat» HAA tilshisi.
Zeınetkerge kórsetilgen kómek jaıly Qostanaı oblystyq polıtsııa departamentiniń baspasóz qyzmetinde baıandaldy. Qart áje tártip saqshylarynyń qyzmetine alǵysyn bildirý úshin polıtsııa departamentine kelgen.
Sý deńgeıiniń kóterilýinen qaýiptengen Valentına Svırıdetskaıa úıiniń janyndaǵy dúkenniń shatyrynan túsirilgen qardy tazalap berýin surap PIK qyzmetine, kásipkerlerdiń kómegine birneshe ret júgingen.
«Alaıda úsh apta ótse de mardymdy jaýap ala almaǵan. Ystyq qubyrlardyń ústinde erigen qar úıdiń jertólesine aǵa bastaǵan. Qart «Naberejnyı» ýchaskelik polıtsııa beketi qyzmetkerlerinen kómek suraǵan. Ýchaskelik ınspektor Smaǵulov Rýslan men Vostrotın Alekseı máseleni bir kúnniń ishinde sheship beredi. Qostanaı qalasy Abaı kóshesindegi úı aýlasynan úsh «KamAZ» qar shyǵaryldy», - dep habarlady polıtsııa qyzmeti.
