#JaqsylyqJasa: Qyzylorda jastary jumysshylarǵa ystyq tamaq taratty
QYZYLORDA. QazAqparat - Qyzylordalyq jastar kóshe tazalyǵymen aınalysatyn jáne bazar mańynda eńbek etip júrgen azamattarǵa ystyq tamaq pen shaı taratty. Osylaısha saýapty istiń uıytqysy boldy, dep habarlaıdy QazAqparat tilshisi.
Atalmysh sharany ótkizýge qoldaý bildirgen Qazaqstan Musylmandary dinı basqarmasynyń Qyzylorda oblysy boıynsha ókili, «Aqmeshit-Syrdarııa» meshitiniń bas ımamy Bolatbek Ulasqanuly jastarmen birge qaıyrymdylyq sharasyna qatysty.
«Sizderdiń eńbekterińiz erekshe. Aýa-raıynyń qolaısyzdyǵyna qaramastan qala tazalyǵyna belsendi aralasyp kelesizder. Osylaısha qala kelbetin saqtaýda ıgilikti is jasalady», - dedi Bolatbek Ulasqanuly kóshe sypyrýshylarǵa.
Saýapty iske oblystyq Jastar resýrstyq ortalyǵy men qala kásipkerleri de qoldaý bildirdi. Jastardy jaqsylyq jasaýǵa baýlý maqsatynda qolǵa alynǵan shara úshin jumysshylar alǵys aıtty.
