#JaqsylyqJasa: Qytymyr aıaz Astana turǵyndarynyń birligin arttyrdy
«Ómirlik qıyn jaǵdaıǵa tap bolǵan tulǵalardy qaıta áleýmettendirý ortalyǵy» KMM kúsheıtilgen jumys rejımine kóshti. Ortalyq 180 adamǵa eseptelgen, taǵy 50 oryn - túngi bólim. Ol jerde jaı ǵana túnep shyǵýǵa bolady.
«Aýa raıyna baılanysty biz 300 adamdy qabyldaı alamyz. Qazir 244 adam ortalyqtyń qyzmetin alýda, onyń ishinde 220-si - qazir ortalyqta bolsa, 24-i -aýrýhanalarda. 4-6 aqpan aralyǵynda bizge 38 adam kelip tústi», - deıdi ortalyq dırektorynyń orynbasary Dınara Shaımerdenova.
Ortalyqta áleýmettik patrýl jumys isteıdi, ol aldyn ala polıtsııa beketteri men PIK-ke qońyraý shalyp, qaladan úısizderdi izdestiredi. Mobıldi qyzmet búginde kúsheıtilgen tártipke kóshti jáne 10.30-dan 23.00-ge deıin jumys isteıdi.
«Naǵyz qytymyr aıaz bastaldy. Osyǵan baılanysty ómirlik qıyn jaǵdaıǵa tap bolǵan adamdar dereý shuǵyl jelige qońyraý shala alatynyn esterińizge salamyz. Baılanys telefondary: 53-16-48, 53-17-91, el.poshta: centr_08_01@mail.ru, saıt: Pomosh01.kz eskertý. Mekenjaıy: Astana qalasy, Chehoev kóshesi, 14a», - delingen Qaıta beıimdeý ortalyǵynyń habarlamasynda.
Astana meshitteri «Astana - meıirimdi qala» qaıyrymdylyq aktsııasyn jalǵastyrýda: muqtaj otbasylarǵa kómir men azyq-túlik beredi, jol jumysshylaryna, qurylysshylarǵa, kóshe tazalaýshylarǵa ystyq tamaq pen shaı taratady, sondaı-aq aıaldamada turǵan adamdardyń dittegen mekenjaılaryna jetýge kómektesedi. «Nur Astana» meshitiniń din qyzmetkerleri men kelýshileri birigip, kómekke muqtaj jandarǵa arnalǵan 18 «tegin taksı» kóligin uıymdastyrdy. Bul bastamany iri jáne usaq bıznes ókilderi de qoldady. Tegin shaı taratý aktsııasyn Asia Park SOO jarııalady.
«Ystyq shaımen jylytamyz. Óz týystaryńyzdy jáne dostaryńyzdy belgilep ótińiz. Múmkin olar qazirgi ýaqytta aıaldamalarda nemese Asia Park SOO janynda tońyp turǵan bolar. Sizderdi 1-shi qabatta ortalyq kireberistiń janynda kútemiz!», - osyndaı habarlandyrý SOO-nyń Instagram-daǵy paraqshasynda jarııalanǵan.
«1000 oryn - kóshe saýdasy» baǵdarlamasynyń operatory «Astana» ÁKK Facebook paraqshasynda kóshe saýdagerleri týraly habarlady. Mysaly, kásipker Sııavýsh Taırov óziniń eki pavılonynda fastfýd pen shaı usynady (Aqbuǵy kóshesi, 5/1 jáne І. Esenberlın kóshesi, 23). Al kásipker Vıllaıat Karımov Petrov kóshesi, 1 mekenjaıy boıynsha shaǵyn dúńgirshekte shaı daıyndaıdy.
Sonymen qatar, áleýmettik jelilerde «Aıazdy kúni tegin alyp ket!» aktsııasy beleń aldy.
«Búgin túnde meniń mashınam qyzbaı qoıdy. Biraq kórshilerge rahmet ! Qıyn jaǵdaıǵa tap bolǵanda qol ushyn sozdy», - dep jazady paıdalanýshy Jomart Ámirhanov Facebook-te.
«Meıirim tizbegin jalǵastyryp, osy aıazdy kúnderi bireýge kómekteskim keledi. Men mashınany qyzdyra alamyn, mekenjaı men telefon nómirińizdi jazyp qaldyryńyz. Men sol jaǵalaýda turamyn. Osy toptaǵy adamdardy qaıyrymdylyq sharasyna qosylýǵa shaqyramyn. Bir-birimizge qamqorlyq tanytaıyq». Osy syndy jazbalar óte kóp. Kómektesýge nıet bildirgender men sol kómekti qabyl alǵandardy kóptep kezdestirýge bolady. #JaqsylyqJasa heshtegi boıynsha osyndaı jaǵymdy jańalyqtardy jıiı kezdestiresiz.
