#JaqsylyqJasa: Qutqarýshylar bir kúndik jalaqysyn ıisti gazdy anyqtaıtyn qurylǵy satyp alýǵa jumsady

ALMATY. QazAqparat - Qalalyq TJD qyzmetkerleri óz aqshalaryna ıisti gazdy anyqtaıtyn 100 qurylǵy satyp aldy, dep habarlaıdy QazAqparat tilshisi.

Qalalyq TJD basshysy Serik Áýbákirovtiń aıtýynsha, bul bastamany TJD qyzmetkerleriniń ózderi kótergen. Qalalyq komıssııa usynysty qoldady. Endigi kezekte aýdan ákimderine osyndaı qurylǵylardy áleýmettik jaǵynan az qamtylǵan, turmysy tómen otbasylardyń úılerine ornatýǵa tapsyrma berildi.

«TJD qyzmetkerleri bir kúndik jalaqysyn ıisti gazdy anyqtaıtyn 100 qurylǵy satyp alýǵa aýdardy. Ótken demalysta mamandar 12 myń úıdi aralap shyqqan. Jalpy eki aptada 23 úıdiń qaýipsizdigi tekserildi», - dedi Serik Áýbákirov.

Onyń aıtýynsha, qazir ıisti gazdan qorǵaıtyn qurylǵylar 136 úıge ornatylǵan.

Bir qurylǵy 6 myń teńge turady. TJD qyzmetkerlerinen 600 myń teńge jınalǵan.