#Jaqsylyq jasa: Jańaqorǵandyqtar aýyldasyna úı salyp berdi

JAŃAQORǴAN. QazAqparat - Qyzylorda oblysy Jańaqorǵan aýdanyna qarasty Qyrkeńse aýyldyq okýriginiń turǵyndary turmysy tómen otbasyna jańa baspana salyp berdi, dep habarlaıdy QazAqparat tilshisi.

Qyrkeńse aýylynda turatyn Haırynsa Qalıevanyń turatyn baspanasy osydan jarty ǵasyrdaı buryn salynǵan. Apattyq kúıge túsken úı turýǵa jaramsyz bolyp qalǵan. Bul otbasynyń baspana qıyndyǵyn kórip otyrǵanyn kórgen jergilikti turǵyndar qaıyrymdylyq isin atqardy. Kópshilik ortaq qoldaý kórsetip, oǵan baspana salyp berýge atsalysty. Byltyr sáýir aıynda bastalǵan qurylys jumystary jyl sońyna deıin tolyq aıaqtaldy. Atalmysh baspananyń boı kóterýine Islam Boranbaev, Qurmanǵazy Aqbalaev, Orynbasar Ábýov syndy azamattar qarjylaı jáne materıaldyq kómek kórsetti.

«Haırynsa Qalıevanyń úıdi qaıta salýǵa jaǵdaıy joq edi. Ózi jumyssyz, kúıeýi joq. Osylaısha aýyl turǵyndarynyń aýyzbirligi arqasynda qaıyrymdylyq isi jasaldy. El aǵalary Tólegen Qurmanov, Joldasbek Rashev, Kópjasar Janteleev qoldan kelgen kómekterin aıaǵan joq», - deıdi Qyrkeńse aýyldyq ardagerler uıymynyń tóraǵasy Toqtasyn Tólepbergenov.