#Jaqsylyq jasa: ShQO-da 5 balaly anaǵa úsh bólmeli úı berildi
«Hareket» qaıyrymdylyq qory osymen alpys segizinshi muqtaj otbasyǵa páter syılap otyr. Bul joly ondaı baqytqa Jarma aýdanynyń Qalbataý aýylynda turatyn jalǵyzbasty ana Janar Tursynbekqyzy ıe boldy. 
«Nesin jasyraıyn? Osyǵan deıin bes balaǵa tólenetin 10500 teńgeniń jeńildiq aqshasyn páter jaldaýǵa jumsap kelgen edim. Jalǵyz meniń tabysym olardyń iship-jemi men kıim-kesheginen aspaıtyn. Jazda tipti jaldap turatyn úı tappaı qalǵan da kezderimiz boldy. Sol kezde jylap-eńirep júrgenimizdi «Hareket» qorynyń ókilderi kórip, qaıyrymdy jandarǵa úndeý tastaǵan bolatyn. Alty aıdyń ishinde qarajat jınalyp, búgin úıge kirip otyrmyz. Úı jyly eken. Bes balanyń úlkeni stýdent. Praktıkasyna tólegen aqshaǵa 1 tonna kómir ákeldi. Ázirge sonymen amaldaımyz. Qýanyshymyzda shek joq. Kómek qolyn sozǵan jomart jandarǵa, «Hareket» qoryna balalarymnyń atynan alǵys aıtamyn» - deıdi Janar Tursynbekqyzy. 
Bes balaly ananyń qýanyshyna ákimdik qyzmetkerleri men qor ókilderi ortaqtasyp, páter kiltin tabystaý rásimin saltanatty túrde ótkizdi. Aýdan oratlyǵynan berilgen úı úsh bólmeli, peshpen jylytylady.
Sharada sóz alǵan qaıyrymdylyq qordyń ókili Shynar Sydyqova qaıyrymdylyq sharalar áli de jalǵasyn tabatynyn atady.
