Jaqsylyq jasa: Qyzylordalyq kásipker náresteni emdeýge qarjylaı kómektesti

QYZYLORDA. QazAqparat - Qyzylordalyq jas kásipker Nurbolat Ibraev jasqa tolmaǵan náresteni emdeýge qarjylaı qol ushyn sozdy, dep habarlaıdy QazAqparat tilshisi.

«Nur Otan» partııasynyń Qyzylorda oblystyq fılıalyna Álııa Bekbaýova esimdi áıel sábıiniń emine qarjylaı qoldaý kórsetýdi surap kelgen edi. Ózi 4 bala tárbıelep otyr. Jalǵyzbasty ana sábıine ota jasatý qajet ekenin aıtqan. Biraq oǵan jetetin qarjysy joq. Jol shyǵynyn da qaltasy kótermeıdi. Osyndaı sátte Nurbolat Ibraev jalǵyzbasty anaǵa qol ushyn sozdy. Qajetti qarjyny taýyp berdi.

«Taǵdyr árbir adamǵa túrli synaǵyn beredi. Sondyqtan jabyrqaǵannyń janynan tabylyp, muqtajdyń muńyn tyńdap, kómek qajet etken janǵa qoldaý kórsetýdi men de qoǵamnyń bir múshesi retinde azamattyq paryzym dep sanaımyn», - deıdi kásipker.

Buǵan deıin qyzylordalyq jastar jumysshylarǵa ystyq tamaq taratqan bolatyn.