Jaqsylyq Jasa: Qostanaılyq polıtseıler zeınetkerlerge kómek kórsetti

QOSTANAI. QazAqparat - Jankeldın aýdanynyń polıtseıleri jalǵyzbasty zeınetkerge járdemdesti, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Aýyl aqsaqaly Kópjasar Fazylhanov densaýlyq jaǵdaılaryna baılanysty úı sharýashylyǵymen turaqty aınalysa almaıdy. Muny bilgen jankeldındik polıtseıler qarııaǵa kómekke keldi.

«Kópjasar Fazylhanovtyń qysqa saqtaǵan otyn-sýy azaıǵan. Aýa raıynyń áli salqyn temperatýrada turǵanyn eskerip, polıtseıler egde kisige kómir túsirip, aǵash tasyp berdi. Olar ákelip bergen eki tonna kómir men eki kýb aǵash birneshe aptaǵa jetedi», - deıdi polıtsııanyń baspasóz hatshysy Irına Bejenar.

Óz kezeginde aýyl aqsaqaly kómek qolyn sozǵan tártip saqshylaryna alǵysyn bildirdi.