#Jaqsylyq jasa: BQO-da jas jubaılar kópbalaly otbasyǵa kómektesti
ORAL. QazAqparat - Batys Qazaqstan oblysynda jas jubaılar kópbalaly otbasyǵa azyq-túlik jetkizip berdi, dep habarlaıdy QazAqparat tilshisi.
Aqjaıyq aýdanynda jańadan shańyraq qurǵan Tynymgereı men Málıka Amangeldıevter úılený toıy kezinde qymbat kortejder jaldap, kóńil-kóterýdiń ornyna qaıyrymdylyq jasaǵan.
Óńirde bastalǵan «Jaqsylyq jasa» jastar marafonyn qoldaǵan jas jubaılar aýdan ortalyǵy Chapaev aýylynda turatyn kópbalaly otbasyǵa azyq-túlikpen birge qarjylaı qoldaý kórsetti.
Otbasylyq ómirin osylaısha sharapatty ispen bastaǵan jastar 9 balany ómirge ákelip, ósirip otyrǵan otaǵasy men otanasynyń alǵysyna bólendi.
«Úılený toıy - ómirimizdegi eń úlken qýanysh. Biz otbasylyq ómirimizdiń alǵashqy aq paraǵyn qaıyrymdylyqpen bastaǵymyz keldi. Bizdiń nıetimizdi ata-anamyz qýana qoldady. Biz muny atymyzdy shyǵarý nemese maqtan úshin emes, júrek qalaýymyzben jasadyq. Biz osy qadamymyz arqyly basqa da jas jubaılardy oılandyrǵymyz keldi», - dedi Tynymgereı Amangeldıev.
