#Jaqsylyq jasa: Aqtóbelik 8 balasy bar otbasyǵa páter syılady
«Aqtóbequrylysekspert» kompanııasynyń dırektory Jastalap Janbaýov 8 balasy bar Sádýovter otbasynyń turǵyn úı máselesin sheship berdi.
47 jastaǵy «Altyn alqa» ıegeri Saltanat Sádýovanyń aıtýynsha, segiz balanyń ekeýi múgedek. Otaǵasy ІІ top múgedegi. Otbasy birneshe jyl buryn Áıteke bı aýdanynan Aqtóbe qalasyna kóship keldi. Qalada 4 jyldan beri páter jaldap júr.
«Osy qýanyshty sátti biz tórt jyl kúttik. Mine, qamqor jandardyń, oblys basshylyǵynyń arqasynda bizdiń óz páterimiz bar. Jastalap Janbaýov - jerlesim, ózi de kóp balaly otbasynda ósti. Kómegi men qamqory úshin alǵys aıtamyn», - dedi Saltanat Sádýova.
Kásipker páter keltin tabys etip, Sádýovtar otbasyna páterin kórsetti.
«Qaıyrymdy isten eshkim tys qalmaýy kerek. Bizder, kásipkerler muqtaj jandarǵa qoldan kelgen kómigimizdi aıamaǵanymyz jón. Bıznes ókideri bul bastamaǵa qoldaý kórsetip, az qamtylǵan otbasylarǵa kómek kórsetedi dep senemin. Áriptesterim, birneshe qurylys kompanııalarynyń basshylary da kómek qolyn sozýǵa ázir. Kásipkerlerdi óz úlesterin qosýǵa shaqyramyz»,- dedi J.Janbaýov.
Eske sala keteıik, Aqtóbe kásipkerleri men sheneýnikter bir aılyq jalaqylaryn muqtaj otbasylarǵa aýdarǵan edi.
