Jaqsylyq Úshkempirovtiń júldesine arnalǵan halyqaralyq týrnır ótedi
NUR-SULTAN. QazAqparat - 6-8 naýryz kúnderi Semeı qalasynda Olımpıada jáne álem chempıony Jaqsylyq Úshkempirovtiń júldesine arnalǵan halyqaralyq týrnır ótedi, dep habarlaıdy QazAqparat.
Atalǵan halyqaralyq týrnırde 2000-2002 jylǵy jas balýandar baq synamaq.
Balýandar 10 salmaqtan, ıaǵnı 55, 60, 63, 67, 72, 77, 82, 87, 97, 130 kelide myqtylardy anyqtaıtyn bolady.
Jaqsylyq Úshkempirovtiń júldesine arnalǵan týrnır jyl saıyn ótedi. Byltyr bul týrnır Taldyqorǵan qalasynda ótti. Osy dodada top jarǵan balýandar álemdik arenada óner kórsetýge múmkindik alady.
Aıta keteıik, Máskeý Olımpıadasynyń chempıony Jaqsylyq Úshkempirov 1951 jyly 6 maýsymda Qazaq KSR-daǵy Jambyl oblysy, Sverdlov aýdanynyń «Chapaev» aýylynda dúnıege kelgen. Ol Keńes Odaǵynyń klassıkalyq stıldegi kúres balýany, QSRO-nyń eńbek sińirgen sport sheberi, Qazaq KSR eńbek sińirgen jattyqtyrýshysy, Qazaq KSR-nyń erkin kúres boıynsha jeńimpazy. Sonymen birge, Álem chempıony (1981), Álem kýbogynyń kúmis júldegeri (1980), Keńes Odaǵynyń eki dúrkin jeńimpazy (1975, 1980), KSRO birinshiliginiń eki dúrkin jeńimpazy (1975, 1980).
