Jaqsylyq Úshkempirovti jerleý rásimine otbasy músheleri ǵana qatysady
ALMATY. QazAqparat – Pandemııaǵa baılanysty jáne adamdardyń jappaı jınalýyn boldyrmaý úshin Jaqsylyq Úshkempirovti aqtyq saparǵa shyǵaryp salý rásimine otbasy músheleri ǵana qatysady, dep habarlaıdy QazAqparat tilshisi.
Jaqsylyq Úshkempirovtiń týystary kóńil aıtyp, qoldaý qórsetken barsha qazaqstandyqtarǵa, Memleket basshysy Qasym-Jomart Toqaevqa Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevqa alǵys bildirdi.
«Jerleý rásimi tek otbasy músheleriniń qatysýymen ǵana ótedi. Al ony eske alýǵa arnalǵan is-sharalar bir jyldan keıin uıymdastyrylady»,– delgen habarlamada.
Eske salaıyq, tamyzdyń ekisi kúni 70 jasqa qaraǵan shaǵynda, grek-rım kúresinen tuńǵysh Olımpıada chempıony, Álem chempıony, Qazaqstannyń Eńbek eri, «Barys», «Qurmet» «Parasat» ordenderiniń ıegeri Jaqsylyq Úshkempirov ómirden ozdy.
