Jaqsylyq Dosqalıev: Pandemııa bizdiń ózgelerge jaryq túsirý úshin ózimizdiń janyp ketetinimizdi kórsetti
NUR-SULTAN. QazAqparat - Burynǵy Densaýlyq saqtaý mınıstri, transplantolog jáne hırýrg Jaqsylyq Dosqalıev áriptesterin kásibı merekemen quttyqtady, dep habarlaıdy QazAqparat tilshisi.
«Sizderdi búgingi tamasha merekemen quttyqtaımyn! Bıylǵy jyl mamandyǵymyzdyń qandaı mańyzdy ekenin kórsetti. Pandemııa bizdiń shynaıylyǵymyzdy, ózgelerge jaryq túsirý úshin ózimizdiń janyp ketetinimizdi kórsetti. Árıne, pandemııa ótedi, vırýs ketedi, biraq biz - medıtsına qyzmetkerleri halyq pen Otanǵa, adamnyń ómirin saqtaý úshin qyzmet etip qala beremiz», - dedi J. Dosqalıev QazAqparat tilshisine bergen suhbatta.
Onyń aıtýynsha, medıtsına qyzmetkerleri ǵasyrlar boıy osylaı eńbek etip keledi.
«Biz de, bizden keıingiler de osy baǵyttan aınymaıdy dep oılaımyn. Barshamyzǵa densaýlyq, sáttilik, baqyt tileımin. Medıtsına qyzmetkerleri kúni qutty bolsyn, qurmetti áriptester!», - dedi eks-mınıstr.
Aıta keteıik, jyl saıyn Qazaqstanda maýsymnyń úshinshi jeksenbisinde Medıtsına qyzmetkerleri kúni atalyp ótedi.
Foto: ktovmedicine.ru
