Jaqsylyq Dosqalıev koronavırýs tirkelgen elderge barmaýǵa shaqyrdy
«Adamnyń óz jaýapkershiligi týraly aıtý kerek. Olar aýrý juqtyryp, ınfektsııany elge ákelmeý úshin óz jaýapkershiligin kórsetýleri kerek. Elimizdiń bas sanıtarlyq dárigeri barýǵa qaýipti elderdi atady. Soǵan qulaq asý kerek. Italııaǵa barýdyń qajeti joq. Sebebi, onda syrqattaný men ólim-jitim qaýpi joǵary. Ómir adamǵa bir ret qana beriledi. Sondyqtan, esh sebepsiz táýekel etpeńiz. Otandy nemese otbasyn qorǵaý úshin táýekelge barýǵa bolady», - dedi Jaqsylyq Dosqalıev jýrnalıstermen ótken kezdesýde.
Men qazaqstandyqtardy Densaýlyq saqtaý mınıstrligin tyńdaýǵa jáne osy keńesterdi ustanýǵa shaqyramyn. Densaýlyq saqtaý mınıstrligi bizdiń azamattarymyzdyń densaýlyǵyn qorǵaýda, bul – olardyń tikeleı mindeti. Biraq bul shetelge sapar shegip, aýrý juqtyrý qaýpine ushyraý kerek degendi bildirmeıdi. Qazaqstan – tranzıttik el, sondyqtan qazaqstandyqtar túrli elderge, sonyń ishinde Qytaıǵa sapar shegedi. Sondyqtan karantındik oryndar arnaıy ázirlendi. Osy sharalardyń arqasynda qazir Qazaqstanda koronavırýspen eshkim aýyryp jatqan joq», - dedi ol.
Onyń aıtýynsha, koronavırýs – álemde órship kele jatqan qaýipti ınfektsııa.
«Dúnıejúzilik densaýlyq saqtaý uıymynyń derekterine sáıkes, álem boıynsha 81 189 adam osy ınfektsııany juqtyrdy. 2700 adam qaıtys boldy. Búginde álemniń 33 elinde keminde bir naýqas adamnan bar. Bul bul ınfektsııanyń óte juqpaly jáne tez taralatynyn bildiredi. Koronavırýs juqtyrǵandardyń 3,4% qaıtys bolǵan. Bul óte joǵary kórsetkish. Onyń ústine bul aýrýdy emdeý óte kúrdeli. Eń aldymen balalar men ımmýnıteti álsiz adamdar juqtyrady. Eresekter arasynda júkti áıelder, sozylmaly aýrýy bar adamdar jıi aýyrady», - dedi professor.
Buǵan deıin koronavırýs indetine baılanysty Qazaqstan men álemdegi ahýalǵa sholý jarııalanǵan edi.