01:53, 24 Qańtar 2018 | GMT +5
Jaqsylyq býmerangy: Ystyq sháı men tegin taksı óskemendikterge jylý syılady
ÓSKEMEN. QazAqparat -Óskemen jastar ortalyǵynyń eriktileri kóshege shyǵyp, «Meıirim - jaqsylyq býmerangy» aktsııasyn uıymdastyrdy, dep habarlaıdy QazAqparat tilshisi.

Erikti jastar ortalyq meshit qyzmetkerlerimen birlesip, jeke avtokólikterimen sýyqtan tonǵan adamdarǵa ystyq sháı berip, úılerine tegin aparyp tastap jatyr.
Oǵan qosa, Óskemende «Imam taksı» degen jazý bar arnaıy kólikter turǵyndarǵa qyzmet kórsetýde.
Jastar ortalyǵynyń jetekshisi Rınad Ahmetjanovtyń sózine qaraǵanda, bul bastamaǵa qalalyq máslıhat depýtttary, «Jas Otan» jastar qanaty kóshbasshylary muryndyq bolǵan eken.
Aktsııa erteń de jalǵasady.
Eske sala keteıik, buǵan deıin biz astanalyqtar aıazdy kúnderi bir-birine kómek qolyn sozyp jatqandyǵy týraly jazǵan bolatynbyz.
Sondaı-aq, qatty aıazǵa baılanysty elorda meshitteri «Astana - meırimdi qala» aktsııasyn bastady.