Jaqsylyǵyn jarnamalaýǵa tyrysatyndardy shekteıtin bolamyz - QR BǴM
ASTANA. QazAqparat - Qazaqstanda erteńnen bastap «Mektepke jol» aktsııasy bastalady. Aktsııa aıasynda elimizde az qamtylǵan jáne kópbalaly otbasylarda ómir súrip jatqan, jetim jáne ata-anasynyń qamqorlyǵynsyz qalǵan 300 myńǵa jýyq balaǵa áleýmettik kómek kórsetilmek, dep habarlaıdy «QazAqparat» HAA tilshisi.
Bul týraly búgin OKQ ótken brıfıng barysynda QR BǴM Balalardyń quqyqtaryn qorǵaý komıteti tóraǵasynyń orynbasary Mánshúk Ábdikerim habarlady.
«Bıyl aktsııa «Meniń tańdaýym - balalarǵa kómek kórsetý» uranymen ótkiziledi. Bizdiń respýblıkada az qamtylǵan otbasylardyń qoldaıtyn metsenattar men demeýshiler arta bastady. Ótken jyly 320 myń bala 2 mlrd 460 mıllıon teńgeniń kómegin alǵan. Múmkindikti paıdalana otyryp, barlyq demeýshilerge rahmet aıtqym keledi. Olardyń arqasynda 300 myńǵa jýyq bala mektepke barýǵa múmkindik aldy», - deıdi Mánshúk Ábdikerim.
QR BǴM ókiliniń aıtýynsha, iri kásiporyndarmen birge memlekettik organdar da aktsııaǵa atsalysýda. Qaıyrymdylyq sharasy 30 qyrkúıekke deıin sozylady. Sondaı-aq mınıstrlik ókili «Balalarǵa jasalǵan jaqsylyqtardyń jarııaly túrde bolǵany durys pa?» degen synı suraqqa jaýap berdi.
«Iá, ótken jyly osyǵan baılanysty jaısyz oqıǵalar bolǵan. Keıbir óńirlerde aktsııany ótkizemiz dep, dańǵazaǵa jol berip aldy. Árıne, bul keıbir ata-analar men balalarǵa unaǵamany anyq. Men ózim de buǵan qarsymyn. Sondyqtan, ótken jyly óńirlerge nusqaý hattaryn joldap, eshqandaı saltanatty rásimde nemese jıynda balalarǵa kerek-jaraqtarynyń tapsyrylmaýy kerektigin eskerttik. Bıyl da buǵan basa mańyz beremiz. Eger bireý jaqsylyǵyn jarnamalaǵysy kelse, aldyn alýǵa tyrysamyz. Óıtkeni, bul durys emes», - dep túıdi Mánshúk Ábdikerim.
