Jaqsy jumys istep turǵan balabaqshany jekemenshikke berý durys emes - mınıstr
«Inklıýzıvti bilim berý úshin jaǵdaı jasalǵan mektepter úlesiniń kórsetkishi jalpy jospar boıynsha 70 paıyz bolýy kerek bolsa, is júzinde 62 paıyz ǵana. Atalǵan kórsetkish boıynsha 9 óńir aýtsaıder boldy. Tómen kórsetkishter Túrkistan, Soltústik Qazaqstan, Atyraý oblystarynda tirkelgen. Qosymsha bilimmen qamtylǵan mektep oqýshylarynyń úles kórsetkishi boıynsha tómen nátıje Túrkistan oblysy men Shymkent qalasynda», - dedi ol.
Mınıstrdiń aıtýynsha, ákimder memlekettik-jekeshelik áriptestik arqyly mektepten tys uıymdar jelisin damytýy kerek.
«Biz qazir zańnamaǵa tıisti ózgeris engizýdi kózdep otyrmyz. Depýtattar bizdiń bastamamyzdy qoldaıtyn bolsa, onda bul óte jaqsy shara bolar edi», - dedi Ashat Aımaǵambetov.
Sonymen qatar ol memlekettik-jekeshelik áriptestik boıynsha taǵy bir máseleni qozǵady.
«Qazirgi ýaqytta taǵy bir úrdis qalyptasty. Ol bizde jap-jaqsy jumys istep jatqan balabaqshalardy jekemenshikke álde senimgerlikke berý máselesi. Bul da durys úrdis emes. Eger ol balabaqshalar qırap jatsa, úlken qarjy salý qajet bolsa onda túsinýge bolady. Al eger ol balabaqshalar búgingi kúni balalardy jaqsy qabyldap, jaqsy rejimde jumys istep jatsa nege olardy jekemenshik basqa kompanııalarǵa beremiz? Bul bizdiń, Bilim jáne ǵylym mınıstrliginiń tarapynan durys baǵaǵa ıe bolmaıdy. Sondyqtan ony toqtatýymyz kerek», - dedi Bilim mınıstri.