Jaqsy jumys istegen ýchaskelik dárigerler jalaqyǵa qosa yntalandyrý syıaqysyn alady

Bul týraly búgin «b-news» portalynda ótken on-laın konferentsııada QR Densaýlyq saqtaý mınıstri Salıdat Qaıyrbekova málim etti.

«Qazirgi kúni ózine bekitilip tirkelgen halqy bar ýchaskelik dárigerler, jalaqyny qabyldaýǵa kelgen naýqastar úshin emes, jan basyna shaǵyp eseptegendegi normatıv boıynsha alady. ıAǵnı, oǵan 10 myń adam tirkelgen bolsa, ol eńbekaqyny emhanaǵa kelmegen, saý adamdar úshin de alady. Al aǵymdaǵy jyly biz jan basyna shaqqandaǵy normatıvpen birge, Biryńǵaı ulttyq densaýlyq saqtaý júıesi sheńberinde yntalandyrý bóligin engizip otyrmyz. Bul - dáriger naýqastardyń kóp bolǵanyna emes, saý adamdardyń kóp bolýyna múddeli bolýy úshin jasalyp otyr», - dep atap ótti mınıstr.

S.Qaıyrbekovanyń sózine qaraǵanda, bul maqsatqa bıýdjetten 6,7 mlrd. teńge qarastyrylyp otyr. Qarajat nysanaly jerge oblystyq densaýlyq saqtaý basqarmalary arqyly jetetin bolady.

«Eger dárigerdiń ýchaskesinde ana men sábı ólim-jitimi bolmasa, týberkýlez ben onkologııalyq aýrýlar erte kezeńinde anyqtalyp jatsa, onyń ýchaskesinen naýqastar ınsýlt, ınfarktpen shuǵyl túrde aýrýhanaǵa jetkizilip jatpasa, oǵan ekinshi jalaqy beremiz. Biraq ol úshin nátıje kórsetý kerek. Emhana men dárigerlerdi qaǵazbastylyq pen esep berýmen áýrelendirmes úshin, málimetterdi basqa mekemelerden alyp otyramyz», - dedi ol.

Mınıstrdiń aıtýynsha, eger naýqas ınsýltpen ne bolmasa ınfarktpen aýrýhanaǵa tússe, málimetter BUDJ sheńberinde mınıstrlikpen jumys jasaıtyn statsıonarlardyń biryńǵaı bazasynan alynady. Al onkologııalyq, ne týberkýlezdiń aýyr kezeńimen aýrýhana tósegine túsip jatsa, naýqas týraly málimetter onkologııalyq, týberkýlezben aýyratyn adamdardyń kantser-tirkemesinen alynady. Al ana men bala ólimine monıtorıng táýlik boıy júrgiziledi.

«Sondyqtan biz dárigerdiń kabınetine kirmeı-aq, onyń jumysynyń nátıjesin bilip otyramyz», - dep túıindedi sózin vedomstvo basshysy.