«Jaqsy» portaly ashyldy
ALMATY. 2 qyrkúıek. QazAqparat /Erbol Azanbek/ - Qazaq tildi ınternet keńistigi taǵy bir saıtpen tolyqty. Qyrkúıektiń alǵashqy kúni www.jaqsy.kz aqparattyq, tanymdyq, saraptamalyq portaly óz jumysyn bastady.
«Jaqsy» dep ataý alǵan saıttyń Ustara, Qarymta, Tarıh, Mádenıet, El ishi, Sóz óneri, Qazaq bilsin, Sport aıdarlarynda túrli saraptama, tanymdyq maqalalardy, aqparattardy oqýǵa bolady. Sonymen qatar orys tildi maqalalardy da oqýǵa bolady. «Jaqsydan» mátindik jazbalarmen birge, foto jáne beınekontentti de tabýǵa bolady. «Aıtarym bar» dep atalatyn beınebólim jańa portaldyń ózindik ereksheligi bolmaq.
«Saıttyń alǵysózinde «Abaıdyń «jaqsy menen jamandy aıyrmadyń» degen sózi qazir árqaısymyzǵa qarata aıtylyp turǵandaı bolyp kórinetini sodan. Qysqasy, amal qajet dep bildik. Amal degende, aqyldan malta, sózden samaýryn qaınatý emes. Qal-qaderimiz jetkenshe Alash balasyna alasapyran aqparat teńizinen keregin alýǵa keńes berip, paıdaly men paıdasyz ilimniń parqyn aıyryp berýge tyrysý. Eldikke shaqyrý, birlikke úndeý. Jaqsyny jaıý, jamandy túre qýý. Aıtyp otyrǵandaı, bizdiń uranymyz - «Birikseń - birgesiń», deıdi saıttyń úılestirýshisi Órken Kenjebek.
Saıtta Rýslan Jeldibaı, Dinmuhammed Esenbaı, Nurbek Bekbaý, Maksım Nıkolaev, Raqat Jaqsybaı, Eldos Aqtaı, Erlan Ábdiruly, Órken Kenjebek syndy jas jýrnalıster bas qosqan. Portaldyń redaktory belgili jýrnalıst Sáken Sybanbaı.
