Jaqsy mansapqa umtylǵan jastar qazaq tilin bilýleri kerek - B.Baıbek

ASTANA. 10 tamyz. QazAqparat -  Jaqsy mansapqa umtylýdy maqsat tutqan  jastar qazaq tilin bilýleri kerek.

Bul týraly búgin elordada ótip jatqan Qazaqstandaǵy sheteldik stýdentter uıymynyń 1-shi sleti barysynda «Bolashaq» QR Prezıdentiniń halyqaralyq stıpendııasy stıpendıattary qaýymdastyǵynyń prezıdenti Baýyrjan Baıbek málim etti.

«Búginde jumys berýshilerdi aǵylshyn tilin bilýińmen tań qaldyra almaısyń, tipti keı kezde qazaq tilin bilýińdi talap etedi. Qazirgi ýaqytta óńirlerdiń 80 paıyzy qazaq tilin bilmeseń, tipti barýdyń da qajeti joq. Kimde-kim jaqsy mansapqa jetkisi kelse, qazaq tilin bilýi tıisti», - dep basa aıtty ol.

B.Baıbektiń atap ótýinshe, qazirgi ýaqytta keıbir sheteldik kompanııalar aǵylshyn jáne qazaq tilin jetik meńgergen jastardy ǵana jumysqa qabyldaıdy. Óıtkeni memlekettik tildi bilmeseń, óńirde jumys isteı almaısyń.