Jaqsy maman árqashan da suranysqa ıe bolady - Elbasy
A. Qarashanyń 13-i. QazAqparat /Quralaı Orynbekqyzy/ - Jaqsy maman árqashanda suranysqa ıe bolady. Búgin Aqordada tikeleı jeli arqyly halyqpen tildesken QR Prezıdenti Nursultan Nazarbaev suraqtardyń birine osylaı dep jaýap berdi,
dep habarlaıdy QazAqparat.
Saýal qoıýshy Dıana Balaqanova kelesi jyly oqý bitiredi. Degenmen, birden jumysqa turyp ketetinine senimsiz ekendigin aıtty. «Jaqsy maman árqashan da suranysqa ıe bolady. Dúnıejúzindegi naryq ekonomıkasynda eshqandaı oqý bitirgen stýdentke memleket jumys taýyp berý jumysymen shuǵyldanbaıdy. Máselen, QBTÝ, keıbir otandyq ýnıversıtetterimizdiń stýdentteri 4-5-shi kýrstarda jumysqa ornalasyp jatady. Bul mamannyń kásibıligi men bilimi suranysqa saı bolýy kerek degen sóz», - dedi óz jaýabynda Elbasy.
Memleket basshysynyń aıtýynsha, memlekettik grantpen joǵary oqý ornyn bitirgen stýdentterge qoldaý kórsetilýi tıis. «Memlekettik grant suranysqa ıe mamandarǵa berilýi tıis. Máselen, bizge muǵalimder, dárigerler kerek, osy mamandyqqa grant bólinýi kerek. Qazir ınjenerler qajet. ıAǵnı, jeke kompanııalar ózderi osyndaı suranysqa ıe mamandarǵa tapsyrys berýi tıis. Osyǵan qaramastan, stýdent-jastar sanaty memleket jumysqa ornalastyrýmen aınalasatyn mamandar tobyna kirdi», - dep atap ótti N.Nazarbaev.
