«Jaqsy-Esil-Buzylyq» jolynda Belarýs azamaty kóz jumdy
KÓKShETAÝ. QazAqparat - Aqmola oblysynda joldyń shetinde turǵan kólikten 56 jastaǵy Belarýs azamatynyń denesi tabyldy, dep habarlaıdy QazAqparat tilshisi.
Aqmola oblystyq Polıtsııa departamenti baspasóz qyzmetiniń málimetinshe, bıylǵy jylǵy qarashanyń 13-inde Esil aýdandyq PB kezekshilik bólimine 38 jastaǵy er adam habarlasyp, «Jaqsy-Esil-Buzylyq» jolynyń 50 shaqyrymynda joldyń shetinde turǵan júk kóliginen beıtanys adamnyń denesi tabylǵanyn aıtqan.
«Aıtylǵan jerge barǵan tártip saqshylary joldyń shetinde turǵan «SCANIA» kóliginiń ishinen 56 jastaǵy júrgizýshiniń denesin anyqtady. Belgili bolǵandaı, kólik júrgizýshisi Belarýs Respýblıkasynyń azamaty, kólik dóńgelekterin tasymaldaýmen aınalysqan. Alaıda, kólik aýdarylmaǵan, júrgizýshiniń denesinen kúsh qoldanýdyń belgileri tabylmady. Aldyn ala anyqtalǵandaı, er adamnyń júregi toqtap, kóz jumǵan. Onyń denesi sot-medıtsınalyq saraptamaǵa jiberildi», - dedi vedomstvodan.
