«Jaqsy adamdarym» Shahanovqa arnaldy - Jibek Joly

ASTANA. QazAqparat - Búgin «Jibek joly» telearnasyndaǵy «Jaqsy adamdarym» baǵdarlamasy qazaqtyń aqıyq aqyny Muhtar Shahanovtyń 80 jyldyq mereıtoıyna arnalady, dep habarlaıdy QazAqparat.

Muhtar Shahanov - 1942 jyly 2 shildede qazirgi Túrkistan oblysynda dúnıege kelgen. Ol - Máskeý tórinde 1986 jylǵy Jeltoqsan oqıǵasynyń shyndyǵyn talap etip, eshkimnen qaımyqpaı sóz sóılegen ult janashyry. Qazaq tili úshin shyryldap júrgen til janashyry. Parlament Májilisinde depýtat, Qyrǵyz elinde elshi bolǵan memleket jáne qoǵam qaıratkeri.

Uzaq jyldar boıy «Jalyn» jýrnalyn basqardy. Onyń óleńderin kez kelgen býyn jatqa oqıdy. Qazaq valsiniń koroli Shámshi Qaldaıaqovpen birge jazǵan «uıyqtap jatqan júrekti oıatar» ásem ánderi de el aýzynda. Memleket basshysy aqyndy Ulytaýdaǵy alǵashqy Ulttyq quryltaıda Qazaqstannyń Eńbek Eri ataǵymen marapattady.

Búgin saǵat ... qazaq ádebıetine, ult rýhanııatyna ólsheýsiz úles qosqan alyp aqyn týraly mazmundy baǵdarlamany jiberip almańyzdar.

Vıdeodan alynǵan kadr