«Jaqsy júrgizýshisiz»: polıtseıler jol apatynyń aldyn alý boıynsha jańa tásilge kóshti
«Siz jaqsy júrgizýshisiz», «Sizdiń kúlkińiz ádemi»: polıtseılerdiń jol apattaryn aldyn alý boıynsha jańa tásili turǵyndarǵa erekshe áser syılady. Túrkistan oblysy Ordabasy aýdanynda polıtseıler jol-kólik oqıǵalarynyń aldyn alý jáne jol júrisi qaǵıdalaryn saqtaý boıynsha erekshe aktsııa ótkizdi.
Polisia.kz-tiń habarlaýynsha, tártip saqshylary júrgizýshilerdi jolda muqııat bolýǵa shaqyryp qana qoımaı, olarǵa jyly sózder jazylǵan arnaıy kartochkalar usynǵan. Polıtsııa qyzmetkerleriniń mundaı túsindirý jumystary jergilikti turǵyndardy tańǵaldyrdy.
– Birlesken kúsh-jigermen ǵana biz jol qozǵalysynyń barlyq qatysýshysy úshin joldarymyzdy qaýipsiz ete alamyz. Kishkentaı qateliktiń ózi qaıǵyly jaǵdaıǵa ákelýi múmkin. Árbir júrgizýshi men jaıaý júrginshi joldyń árdaıym qaýip-qatermen baılanysty ekenin túsinip, muqııat ári jaýapty bolýy qajet, - dedi polıtsııada.
