Jaqsy aýdanyna parom ótkeli jetkizildi - Aqmola oblysy
KÓKShETAÝ. KAZINFORM – Aqmola oblysynyń Jaqsy aýdanynda Esil ózeni arqyly kólik qatynasyn qalpyna keltirý úshin QR Qorǵanys mınıstrliginiń parom ótkeli jetkizildi.
Bıylǵy jylǵy sáýirdiń 13-inde Jaqsy aýdany aýmaǵynda Esil ózeni arnasynan asyp tasyǵan bolatyn. Sonyń saldarynan «Qıma-Terisaqqan» avtomobıl jolyndaǵy kópirdi sý shaıyp, 2 eldi meken jáne 3 bólimshege kólik qatynasy úzildi. Tipti, kóktemgi egis jumystaryn júrgizýge qaýip boldy.
Aqmola oblysy ákimdiginiń málimetinshe, osy tyǵyryqtan shyǵý úshin aımaq basshysy Marat Ahmetjanov QR Qorǵanys mınıstri Rýslan Jaqsylyqovqa ótinish aıtyp, ol óz kezeginde Esil ózeni arqyly kólik qatynasyn qalpyna keltirý úshin parom ótkelin ornatý týraly sheshim qabyldaǵan.
Búgingi kúni QR Qorǵanys mınıstrliginiń parom ótkeli Jaqsy aýdanyna jetkizildi. Aldaǵy kóktemgi dala jumystary kezinde aýyl sharýashylyǵy tehnıkalary ózenniń arǵy betine osy parom arqyly ótkiziletin bolady.
Ózenniń arǵy jaǵynda Terisaqqan aýyly, Esil aýyldyq okrýginiń Qazaqstan aýyly, Jańaqıma aýyldyq okrýginiń Jańa Qıma, Jıren, Keńaral, Trýdovoe aýyldarynyń bólimsheleri ornalasqan.
Aıta ketsek, budan buryn Aqmola oblysynda sý basqan aýyldan naýqas áıel qaıyqpen qutqarylǵanyn jazǵan edik.
