«Jaqsy adam-2023»: Bıyl 7 adam arnaıy syılyqpen qatar 1 mln teńge alady
Bıyl «Jaqsy adam-2023» arnaıy syılyǵynyń saltanatty marapattaý rásimi búgin Astanadaǵy Beıbitshilik jáne kelisim saraıynda ótedi, dep habarlaıdy Kazinform.
Bıyl ekinshi ret uıymdastyrylǵaly otyrǵan sharada bilim, ǵylym, medıtsına, sport, kásipkerlik, aýyl sharýashylyǵy jáne qutqarý qyzmeti boıynsha 7 adamǵa arnaıy syılyq tapsyrý josparlanyp otyr.
Marapat ıegerleri mınıstrlikter men ákimdikterdiń usynysymen jáne arnaıy qurylǵan qazylar quramynyń sheshimimen anyqtalady. Olarǵa «Jaqsy adam-2023» arnaıy syılyǵymen qatar 1 000 000 (bir mıllıon) teńgeden qarjylaı syıaqy beriledi.
Arnaıy syılyqty ár sala boıynsha memleket jáne qoǵam qaıratkerleri, tanymal tulǵalar tabystaıdy. Kontserttik sharada estrada juldyzdary óner kórsetedi jáne marapat ıeleri týraly shaǵyn sıýjetter beriledi.
Jańa jyldyq jobanyń tolyq nusqasy mereke qarsańynda «Jibek joly» telearnasynyń efırinen kórsetiledi.
Aıta keteıik, is-sharanyń basty maqsaty ártúrli salada eńbek etip, el damýyna ólsheýsiz úles qosyp júrgen myqty mamandardy, eńbek adamdaryn, qaıyrymdy jandardy halyqqa tanystyrý. Sondaı-aq, jaqsy adamnyń boıyndaǵy qundy qasıetterdi jas urpaqqa jan-jaqty nasıhattaý jáne olardy memleket pen qoǵam úshin adal qyzmet etýge yntalandyrý.
