Jaklın Kennedı men Mıshel Obamaǵa kıim úlgilerin ázirlegen áıgili modeler kóz jumdy
ASTANA. QazAqparat - AQSh-ta 82 jasynda dızaıner Oskar de la Renta kóz jumdy, dep habarlaıdy The New York Times.
De la Rentanyń ata tegi domınıkandyq. Ol 28 jasynda tanysyna ásem kóılek tigip bergen eken, keıinnen ol kóılek úlgisi jýrnaldarda jarııalanady. Sóıtip de la Renta ıspandyq Balenciaga sán úıine jumysqa shaqyrylady. Onyń sán álemine alǵashqy qadamy osylaısha bastalǵan.
Modeler sán salasyndaǵy kóptegen syılyqtardy ıelengen, sonyń ishinde eki jyl qatarynan - 1967 jáne 1968 jyl Coty Award syılyǵyna laıqy dep tanyldy. Al 2009 jyly Amerıkanyń sán álemine qosqan ólsheýsiz úlesi úshin Superstar Award syılyǵyn aldy. Oskar de la Renta AQSh-tyń betke ustar áıelderi Jaklın Kennedı, Nensı Reıgan men Mıshel Obamaǵa kıim úlgilerin ázirlegen. Onyń keshke arnalǵan kóılekterin qyzyl kilem ústimen júrip ótken talaı bıkeshter de kıgen. Ataqty modeler 2006 jyldan beri qaterli isik aýrýyna shaldyqqan.
