Jaqııanovtyń promoýteri: «Janat - alǵashqy chempıonym»
ASTANA. QazAQparat - Janat Jaqııanovtyń promoýteri jáne bapkeri Rıkkı Hatton boksshynyń búgingi jeńisinen keıin «Bul meniń alǵashqy chempıon shákirtim» dep, óz pikirin bildirdi.
Esterińizge sala keteıik, búgin Amerıkanyń Toledo qalasynda qazaqstandyq Janat Jaqııanov (26-1, 18KO) pen amerıkalyq Roýshı Ýorren (14-1, 4KO) jeńil salmaqtaǵy WBA (Super) jáne IBO tujyrymdary boıynsha álem chempıony ataǵyn sarapqa salyp, nátıjesinde qazaq boksshysy tóreshilerdiń sheshimimen jeńimpaz atanǵan-dy.
Jekpe-jekten keıin, Jaqııanovtyń promoýteri jáne bapkeri Rıkkı Hatton óziniń Tvıtter jelisine: «Jaqııanov úshin qatty qýanyshtymyn. Bul meniń alǵashqy chempıon shákirtim», - dep jazdy.
