Jaqııanovpen aıqastan soń Barnett aýrýhanaǵa túsip qaldy
ASTANA. QazAqparat - Soltústik Irlandııa boksshysy Raıan Barnett qazaqstandyq bylǵary qolǵap sheberi Janat Jaqııanovpen ótkizgen jekpe-jekten keıin aýrýhanaǵa jetkizildi, dep habarlaıdy Sports.kz.
«Saq bolý úshin Barnett aýrýhanaǵa jatqyzyldy», dep jazdy Twitter-ge The Times tilshisi Ron Lıýıs.
Eske sala ketsek, Jaqııanov - Barnett jekpe-jeginde tóreshiler jeńisti soltústik ırlandııalyqqa bergen bolatyn. Valerı Dorsett esep qaǵazyna 118-110, Paskýale Prokopıo - 116-112, Karlos Sýkre - 119-109 nátıjelerin jazǵan. Osylaısha, Barnett birinshi jeńil salmaqtaǵy IBF beldiginiń qataryn buryn Jaqııanovqa tıesili bolyp kelgen WBA (Super) tıtýlymen tolyqtyrdy.
