Jaqııanov jaqynda jeńip alǵan beldiginen aıyrylyp qaldy
ASTANA. QazAqparat - Janat Jaqııanov jaqynda ǵana qol jetkizgen IBO tujyrymynyń chempıondyq belbeýinen aıyrylyp qaldy, dep habarlaıdy QazAqparat tilshisi.
Jeńil salmaqta WBA (Super) jáne IBO tujyrymy boıynsha álem chempıony Janat Jaqııanov (27-1, 18KO) óziniń ekinshi, ıaǵnı IBO tujyrymynyń belbeýinen aıyrylyp qaldy. Endi Jaqııanovtyń enshisinde tek WBA tujyrymynyń chempıondyq belbeýi qaldy.
Bul týraly boxrec.com portaly málim etti. Derekkózdiń habarlaýynsha, uıym bul tujyrymnyń chempıony ataǵyn jeńip alǵan Janat Jaqııanovtan tartyp alypty.
Oǵan basty sebep, otandasymyzdyń IBO uıymyna belbeý úshin beriletin jarnany tólemeýi.
Eske salaıyq, bul chempıondyq belbeýdi Janat Jaqııanov 11 aqpan kúni AQSh-tyń Toledo qalasynda amerıkalyq Roýshı Ýorrenge qarsy ótkizgen 12 raýndtyq jekpe-jektiń qorytyndysy boıynsha tóreshilerdiń sheshimimen jeńiske jetip, jeńip alǵan edi.
