Jaqııanov - Tete jekpe-jegi qyrkúıekte ótýi múmkin
ASTANA. QazAqparat - Boxingscene.com saıtyna belgili bolǵandaı, qazaqstandyq boksshy Janat Jaqııanovtyń ońtústikafrıkandyq Zolanı Tetemen jekpe-jegi qyrkúıekte ótýi múmkin.
Tete óziniń taıaýdaǵy urysyn 4 maýsymda ótkizýi tıis edi - onyń qarsylasy meksıkandyq Vıktor Rýıs. Zolanıdiń basty maqsaty - brıtandyq Lı Haskıngpen kezdesý, alaıda OAR boksshysy oǵan deıin rıngte Janat Jaqııanovpen qolǵap túıistirmek. Boxingscene saıtynyń jazýyna qaraǵanda, boksshylar komandalary qazirdiń ózinde aldaǵy urys jóninde kelisim jasasty, ol qyrkúıekte ótýi kútilýde, dep habarlady Sports.kz.
Baspasózde Jaqııanov pen Teteniń yqtımal jekpe-jegi jóninde birazdan beri aıtylyp júr, alaıda qazaqstandyq boksshynyń promoýteri Rıkkı Hatton eshqandaı naqty ýaǵdalastyq bolǵan joq - bul áli sybys deńgeıinde, dep málimdedi.
Jaqııanov óziniń sońǵy urysyn 2015 jylǵy 7 qarashada venesýelalyq Ionfrez Parehomen ótkizip, ony upaı sanymen jeńgen bolatyn.
