Jaqııanov - Barnett jekpe-jegin qaı arnadan kórýge bolady
ASTANA. QazAqparat - «Qazaqstan» teleradıokorporatsııasy basqarmasynyń tóraǵasy Erlan Qarın Feısbýktegi paraqshasynda qazaqstandyq Janat Jaqııanov pen ırlandııalyq Raıan Bernettiń aıqasy qaı arnadan kórsetiletinin jarııa etti, dep habarlaıdy «QazAqparat» HAA tilshisi.
«21-qazannan 22-shi qazanǵa qaraǵan túni boks jankúıerleri «Qazsport» arnasynan tikeleı efırde qazaqstandyq boksshy Janat Jaqııanovtyń kásipqoı boks keshin tamashalaı alady. Irlandııanyń Belfast qalasynda eń basty jekpe-jekte WBA nusqasy boıynsha jeńil salmaqtaǵy chempıon Janat Jaqııanov (27 jeńis, 18 nokaýt, 1 jeńilis) jáne IBF nusqasy boıynsha chempıon soltústik ırlandııalyq Raıan Barnett (17 jeńis, 9 nokaýt, jeńilis joq) shyǵatyn bolady», - delingen Erlan Qarınniń jazbasynda.
Janat Jaqııanov álemdik boks reıtınginde 12-shi orynda bolsa, Bernett 5-shi orynda.
Eske sala ketsek, WBA (Super) jáne IBF nusqalary boıynsha álem chempıony tıtýldarynyń taǵdyry sheshiletin Jaqııanov - Barnett jekpe-jegi 21 qazanda Soltústik Irlandııanyń Belfast qalasynda ótedi. 1XBET býkmekerlik keńsesi osy jekpe-jekke mynadaı koeffıtsıent usynyp otyr: Barnettiń jeńisine - 1.4, Jaqııanovtyń jeńisine - 3.38, teń nátıjege - 26.
