Jaqııanov 28-shi jekpe-jegin AQSh-ta ótkizedi
ASTANA. QazAqparat - WBA belbeýiniń «ýaqytsha» chempıony qazaqstandyq Janat Jaqııanovtyń jekpe-jegi ótetin kún belgili boldy, dep habarlaıdy QazAqparat tilshisi.
Ol 2017 jyldyń 10 aqpanynda AQSh-ta WBA (Super) jáne IBO belbeýleri úshin judyryqtaspaq. Jerlesimizdiń qarsylasy sharshy alań ıesi 29 jastar Raýshı Ýorren. Ol buǵan deıin 15 jekpe-jek ótkizip, 14-in jeńispen aıaqtaǵan.
Al jerlesimiz osyǵan deıin 27 kezdesý ótkizgen. Onyń bireýinde ǵana qarsylasyna ese jiberip, qalǵan 26 jekpe-jeginde jeńiske jetken.
Aıta keteıik, Jaqııanov sońǵy ret 2015 jyldyń qarasha aıynda tóreshilerdiń sheshimimen venesýelalyq Ionfrez Parehony utyp, «ýaqytsha» belbeýdi jeńip alǵan edi.
