Jaqyndarymyzǵa jaqsylyq jasap, bir-birimizge alǵys aıtyp júreıik – Senator

TÚRKІSTAN. KAZINFORM – Senator Alısher Satvaldıev «Alǵys aıtý» merekesimen kópshilikti quttyqtap, qazaq halqyna alǵys aıtty. 

«Bul aıshyqty mereke az ýaqyttyń ishinde bizdiń qoǵamda erekshe oryn alatyn, jylylyq pen meırimdiliktiń, dostyq pen baýyrmaldyqtyń merekesine aınalyp úlgerdi. «Adamǵa alǵysy joqtyń – Allaǵa shúkiri joq» degen ulaǵatty sóz bar. Osy ustanymǵa berik bolyp, basyna qandaı qıyndyq tússe de, «Qudaıǵa shúkirimen» nesibesin músápirlermen bólise alǵan darhan peıil qazaq halqyna alǵysymdy aıtamyn!» - dedi Senator. 

Sondaı-aq ol kóktemniń alǵashqy kúnimen keletin merekeniń mańyzyna toqtalyp, halyqty merekemen quttyqtady. 

«Bul meıramnyń mańyzy erekshe. Osy dataǵa oraı barsha otandastarymdy shyn júrekten quttyqtaımyn! Jaqyndarymyzǵa jaqsylyq jasap, bir-birimizge alǵys aıtyp júreıik. Elimizden yrys-yntymaq ketpesin. Denderińizge saýlyq, otbasylaryńyzǵa amandyq, eńbekterińizge tabys tileımin!» - dedi Alısher Satvaldıev.