Jakartada Azyq-túlik qaýipsizdigi jónindegi Islam Uıymy tanystyryldy
Sapar barysynda Qazaqstan Elshiliginiń qoldaýymen Indonezııa Aýyl sharýashylyǵy mınıstrligi Azyq-túlik qaýipsizdigi jónindegi agenttiginiń Bas dırektory Agýng Hendrıadı, Indonezııa Prezıdentiniń Taıaý Shyǵys jáne IYU elderimen yntymaqtastyq jónindegi arnaıy ókili Alvı Shıhab, Indonezııanyń Halal kepildigi jónindegi agenttiginiń (BPJPH) basshysy, professor Sýkoso, Indonezııanyń Palma maıy óndirýshileri qaýymdastyǵynyń (GAPKI) atqarýshy dırektory Mýktı Sardjono jáne Indonezııa logıstıkalyq bıýrosymen (BULOG) kelissózder uıymdastyryldy.
Kezdesýler barysynda E.Baıdáýlet ındonezııalyq tarapty Qazaqstannyń Tuńǵysh Prezıdenti - Elbasy Nursultan Nazarbaevtyń bastamasymen qurylǵan AQIU maqsattary jáne mindetterimen tanystyryp, Indonezııa tarapyn Uıymǵa qosylýǵa jáne 27-29 tamyzda Jıdda qalasynda ótetin AQIU Bas Assambleıasynyń 2-sessııasyna qatysýǵa shaqyrdy.
E.Baıdáýlet Uıymnyń qyzmeti múshe memleketterge turaqty aýyl sharýashylyǵy, aýyldardy damytý, azyq-túlik qaýipsizdigi men bıotehnologııa máseleleri boıynsha sarapshylyq bilim men tehnıkalyq noý-haý berýge, AQIU-ǵa múshe memleketterdegi azyq-túlik qaýipsizdigin baǵalaý jáne monıtorıngke, sondaı-aq birlesken aýylsharýashylyq saıasatyn ázirleý jáne iske asyrýǵa baǵyttalǵanyn atap ótti.
Uıym ıslam elderiniń halqyn tabıǵı-klımattyq jaǵdaılary men geografııalyq ornalasýyna oraı ekonomıkalyq qol jetimdi azyq-túlikpen qamtamasyz etý, IYU-ǵa múshe elderge azyq-túlik jetkiziliminiń qunyn tómendetý úshin tıimdi kólik jáne logıstıkalyq marshrýttar qurý, birlesken azyq-túlik qorlaryn qalyptastyrý men basqarý arqyly azyq-túlik baǵasyn turaqtandyrý máselelerin sheshedi. Sonymen qatar, AQIU IYU Bas hatshylyǵynyń tıisti suranystary negizinde gýmanıtarlyq baǵdarlamalardy júzege asyrady.
Óz kezeginde, Indonezııa Azyq-túlik qaýipsizdigi jónindegi agenttiginiń Bas dırektory A.Hendrıadı Indonezııa halqy sany jóninen álemde 4-orynda turǵan memleket úshin azyq-túlik qaýipsizdigin qamtamasyz etý máselesi óte ózekti ekendigin atap ótti jáne Indonezııanyń osy saladaǵy tájirıbesi týraly habarlady. A.Hendrıadı Qazaqstannyń AQIU ilgeriletý jónindegi kúsh-jigerin joǵary baǵalady jáne ındonezııalyq tarap Uıymǵa qosylý, sondaı-aq AQIU Bas assambleıasynyń 2-shi sessııasyna baıqaýshy retinde qatysý máselelerin qarastyrady dep aıtty.
Islam Yntymaqtastyǵy Uıymy aıasynda AQIU qurý týraly bastamany Qazaqstannyń Tuńǵysh Prezıdenti – Elbasy N.Nazarbaev 2011 jyly IYU Syrtqy ister mınıstrleri keńesiniń 38-sessııasynda usyndy.
AQIU 2016 jylǵy 28 sáýirde IYU Azyq-túlik qaýipsizdigi jáne aýylsharýashylyq damýy jónindegi mınıstrler konferentsııasynyń 7-shi sessııasynda jáne AQIU Bas assambleıasynyń quryltaı sessııasynda quryldy. Uıymnyń shtab-páteri Nur-Sultan qalasynda ornalasqan. Qazirgi ýaqytta onyń quramyna ıslam áleminiń 33 memleketi kiredi. Uıymnyń resmı tilderi - arab, aǵylshyn jáne frantsýz.
