Jahansha Dosmuhameduly oqýdaǵy qazaq balalaryna stıpendııa berip turǵan - D. Myńbaı
Bul týraly búgin Astana qalasynda Kúlásh Baıseıitova atyndaǵy Ulttyq opera jáne balet teatrynda Alashorda kósemderiniń biri, belgili zańger Jahansha Dosmuhamedulynyń 125 jyldyq mereıtoıyna arnalǵan saltanatty kesh barysynda QR Mádenıet jáne aqparat mınıstri Darhan Myńbaı aıtty.
«Ótken ǵasyrdyń basynda uly dalany uıqydan oıatyp, ult rýhyna ustyn bolǵan Alash qaıratkerleriniń el tarıhyndaǵy eńbegi ushan-teńiz. Óskeleń urpaqqa berer taǵylymy orasan zor», - dedi mınıstr merekelik sharany ashyp.
«70 jyldan astam attaryn ataýǵa tyıym salynyp, eńbekterin shań basqan arhıvtiń sórelerinen shyǵartpaı qoıǵan solaqaı saıasattyń zamany ótip, búgingi táýelsizdik tusynda Alash arystarynyń rýhy halyqpen qaıta qaýyshyp jatyr. Bul Elbasy Nursultan Nazarbaevtyń táýelsizdiktiń alǵashqy jyldarynyń ózine keńestik saıası qýǵyn-súrgin qurbandaryn aqtaý jóninde qabyldaǵan batyl sheshimi men júıeli júrgizilgen salıhaly saıasatynyń arqasy dep bilemiz», - dedi ol.
Odan ári Jahansha Dosmuhamedulynyń Alashorda ómirindegi alatyn orny týraly oılarymen bólisken mınıstr, «ol HH ǵasyrdyń basyndaǵy iri saıasatker, kásibı zańger, kórnekti qoǵam qaıratkeri. Qazaq halqynyń oqý-bilimge umtylýyna jol ashyp, bilim alyp jatqan qazaq balalaryna stıpendııa berip, qazaq tilindegi oqý quraldaryn kóptep shyǵarýǵa úles qosty», - dedi.
Onyń aıtýynsha, J. Dosmuhameduly Orynbor, Qyzylorda, Tashkent qalalarynda qazaq, Orta Azııa zııalylarynyń qatarynda jas urpaqqa tálim-tárbıe berip jáne halyqty aǵartý isine kúsh-qaıratyn, bilimin jumsady. Qazaq-qyrǵyz bilim komıssııasynyń eń belsendi músheleriniń biri boldy.
«Ol ádebıette de ózindik úlesin qaldyrdy. Sábıt Muqanovtyń «Jumbaq jalaý» romanyn orys tiline aýdardy. Sondaı-aq Táýke hannyń «Jeti jarǵysyn» qazaqtyń tuńǵysh zańy retinde kúlli túrki jurtyna tanytty», - dedi mınıstr.
«Jahansha Dosmuhamedulynyń eńbekterin zertteý áli de jalǵasa beredi. Onyń eńbekteri bizdiń qazaq úshin, qazaqtyń rýhy úshin paıdasyn tıgizetin dúnıeler. Sondyqtan da ol kisi qazaq jasaǵanda máńgi jasaıdy», - dep túıindedi Darhan Myńbaı.
Sharaǵa arnaıy Batys Qazaqstan oblysynan Jahansha Dosmuhamedulynyń týystary keldi.
Keshke tanymal óner juldyzdary Qurmanbek Álimǵazy, Erlan Rysqalı, Erbol Aıtbaev, Dosym Maqsotov, Bıbigúl Saýytova jáne basqalary qatysty. Sonymen qatar «Naz» bı teatry, Astana qalasy memlekettik fılarmonııasynyń kameralyq hory men orkestri óner kórsetti.
