Jahandyq jylynýǵa ushaqtardyń qosar úlesi baǵalandy
ASTANA. Jeltoqsannyń 24-i. QazAqparat - Ekologtar arktıkalyq aımaqtaǵy temperatýra ósýiniń 20 paıyzyna ushaqtardyń qatysy bar ekenin anyqtady,
dep habarlaıdy QazAqparat Lenta.rý saıtyna silteme jasap.
Ǵalamshar boıynsha olardyń úlesiniń jalpy jıyny 4-8 paıyz dep baǵalanady. Zertteýshiler óz qorytyndylaryn Amerıkandyq geofızıka sezinde baıandady, al olardyń eńbekteri qazirgi ýaqytta jarııalaýǵa daıarlanýda.
Zertteý aıasynda ekologtar ushaqtyń ýly gaz shyǵarý úlgisin jasady. Olar «kúıeli kómirtegi» dep atalatyn shyǵaryndynyń - janýdan shyǵatyn kúl jáne basqa da qaldyqtardyń mólsherin nazarǵa aldy. Sonymen qatar, áýe kemeleriniń arqasynda atmosferanyń joǵary qabatyna enetin sý býynyń (negizgi parnıkti gaz dep sanalady) mólsheri de esepke alyndy.
