«Jahandyq jylyný - jalǵan, ǵalamdyq sýyný - aqıqat pa?» - respýblıkalyq basylymdarǵa sholý
***
«Egemen Qazaqstan» gazetiniń búgingi nómirinde Qazaqstan Respýblıkasy Parlamenti Senatynyń Tóraǵasy Qaırat Mámımen aradaǵy áńgime «Ótkendi ólshemdeı otyryp, keleshekke kóz tigeıik» degen taqyryppen berildi. Táýelsiz Memleketter Dostastyǵy Parlamentaralyq Assambleıasynyń qurylǵanyna 20 jyl tolýyna oraı órbigen suhbat barysynda basylym tilshisiniń barlyq saýaldaryna tushymdy jaýap bergen tóraǵa: «Ótken 20 jylda Dostastyq elderiniń parlamentshileri aýqymdy jumystardy iske asyrdy, bizdiń elderimiz ben halyqtarymyzdyń kókeıkesti múddelerine qatysty kóptegen máselelerde ózara tıimdi yntymaqtastyqty odan ári damytý úshin negiz qalandy. Endi TMD keńistigine kóz júgirtsek, onda ıntegratsııalyq úderisterdiń odan ári údeı túskenin baıqaımyz. ıAǵnı, endigi jerde TMD damýynyń jańa kezeńge oıysýyna baılanysty Assambleıanyń aldyna jańa mindetter qoıylatyny jáne osyǵan baılanysty TMD PAA-nyń is-qımyl áleýeti de keńeıe túsetini kúmánsiz», - deıdi.
«Keshe Aqordada Memleket basshysy Nursultan Nazarbaev Halyqaralyq kórmeler bıýrosynyń sarapshylar komıssııasyn qabyldady», - dep jazady «Egemen Qazaqstan» gazeti «Kórme Qazaqstannyń ulttyq jobasy sanalady» degen taqyryptaǵy maqalasynda. Basylymnyń atap ótýinshe, kezdesý barysynda taraptar Astanada «EKSPO-2017» Halyqaralyq mamandandyrylǵan kórmesin ótkizý múmkindigin qarastyrdy. «Búginde biz 2017 jyly kórmeni ótkizýge úmitker retinde elimiz óz múmkindigin kórsetip otyrǵanyna qýanyshtymyz. Biz komıssııanyń oń sheshimi bolǵan jaǵdaıda, «EKSPO-2017» kórmesin ótkizý úshin daıyndyq jasaý týraly sheshimge kelip otyrmyz. Ony ulttyq joba retinde sanaıtyn bolamyz. Bizdiń elimizge kelgen osy kúnderde sizder ártúrli qurylymdardyń ókilderimen kezdesip, Astananyń áleýetin zertteý múmkindigine ıe boldyńyzdar, - dedi Elbasy.
***
«Májilistiń osy shaqyrylymynda spıker N.Nyǵmatýlın palata jumysyna birshama tártip engizip erekshelengen edi. Sonyń bastysy depýtat saýaldaryn kún tártibiniń sońyna qaraı ysyrý bolǵan. Mundaǵy spıker ustanǵan ýáj «depýtattyń negizgi isi zań shyǵarmashylyǵy bolýy tıis» delingen. Alaıda sodan beri neshe otyrys ótse de, zań shyǵarmashylyǵynyń qulpyryp ketkenin baıqaı almaı otyrmyz. Bálkim, bul bizge ǵana solaı kóriner. Degenmen kóppartııaly Májilisten mán de ketip bara jatqandaı. Keshegi kúntártibi de jutań. Áıtse de sol otyrysty jıyn sońyna qaraı ysyrylǵan depýtattyq saýaldar taǵy da «qutqaryp» qalǵan tárizdi», - dep jazady «Alash aınasy» gazeti. Sonymen jutań otyrysy jutyndyrǵan halyq qalaýlylarynyń saýaldary qandaı máselelerdi qamtyǵanyn bilgińiz kelse, basylymdaǵy «Qytaımen shekaranyń bergi jaǵy qashanǵa deıin jutaı beredi?» degen maqalaǵa nazar salyńyz.
Osy basylymnyń turaqty «Dat!» aıdarynda fızıka-matematıka ǵylymdarynyń kandıdaty, dotsent Bekzat Pirmantaevamen aradaǵy suhbat «Bizde ıadrolyq medıtsına boıynsha naqty jobalar bar» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ǵalym: «ıAdrolyq fızıka» nemese «atomdyq energetıka» sııaqty sózderden qoryqpaý qajet. Búginde bul salalardyń qajettigin jete túsinetin kez keldi. Onyń bizge, bizdiń ekonomıkamyzǵa, jalpy, bolashaǵymyzǵa tıgizer paıdasy mol. Ǵylymnyń bul salasynyń bolashaǵy zor bolatyndyǵy anyq. Sol sebepti biz ony barynsha damytyp kelemiz», - deıdi.
***
Bıyl kóktem keshigip jatyr. Qys uzaqqa sozyldy. Siresken soltústigimiz ben shytynaǵan shyǵysymyzdy bylaı qoıǵanda, ońtústigimizdiń ózi ońbaı tur. Tarıh qoınaýyna ketýine bir apta qalǵan Qoıan jyly qaharyn kórsetýdeı kórsetti. AQSh-ty aıtpaǵanda, Afrıkaǵa deıin azynatyp, kári Eýropaǵa deıin kári tókti. «Jahan jylynyp barady» dep qaqsap júrgen qasqa bas ǵalymdaprdyń ózi bıylǵy qystyń betalysynan keıin tilin tisteýge májbúr boldy. Oqymystylardyń pikiri ekige jaryldy. Biri - burynǵydaı «jahandyq jylyný kúsheıip keledi» dese, biri - «ǵalamdyq sýyný bastaldy» dep jańadan muz dáýiriniń qulaǵyn qyltıtyp qoıdy. Sonymen kimdiki durys, kimdiki burys? Bul jaıynda «Aıqyn» gazetiniń beısenbilik sanyndaǵy «Jahandyq jylyný - jalǵan, ǵalamdyq sýyný - aqıqat pa?» degen taqyryptaǵy maqaladan birshama maǵlumat alýǵa bolady.
***
«Kazahstanskaıa pravda» gazetiniń jazýynsha, keshe Memleket basshysy Nursultan Nazarbaev Naına Eltsınany 80 jasqa tolǵan mereıtoıymen quttyqtady. Memleket basshysy telefonmen sóılesý barysynda Naına Iosıfovna áıel zatyna tán adaldyqtyń, óz isine berilgendiktiń jáne eńbeksúıgishtiktiń, asqan qarapaıymdylyq pen ádeptiliktiń jarqyn úlgisi bolyp qala beretinin aıtyp ótti. «Prezıdent Qazaqstan men Reseı Naına Eltsınanyń jubaıy, Reseı Federatsııasynyń tuńǵysh Prezıdenti Borıs Eltsın negizin qalaǵan dostyq, odaqtastyq jáne seriktestik qarym-qatynastardy barynsha nyǵaıtýdy jáne damytýdy jalǵastyra beretinin atap kórsetti», - dep jazady basylym.
