Jahandyq jylyný saldarynan Almaty oblysyndaǵy barlyq muzdyqtar erýi múmkin - V.Bojko
ASTANA. QazAqparat - Álemdik dárejedegi «McKenzie» konsýltatsııalyq kompanııasynyń boljamy boıynsha, 2050 jylǵa qaraı jahandyq jylyný saldarynan Almaty oblysyndaǵy barlyq muzdaqtar erýi múmkin. Bul týraly búgin OKQ brıfınginde QR Іshki ister mınıstriniń orynbasary Vladımır Bojko aıtty.
«Álemdik dárejedegi «McKenzie» konsýltatsııalyq kompanııasynyń boljamy boıynsha, 2050 jylǵa qaraı jahandyq jylyný saldarynan Almaty oblysyndaǵy barlyq muzdaqtar erýi múmkin. Búginniń ózinde Almaty muzdaqtarynyń kóbesi sógilip, azdap erip jatyr. Naqtyraq aıtsaq, kólemi boıynsha 1%-dyq jáne aýdany boıynsha 0,5%-dyq jyldamdyqpen erýde. Endi mundaı qarqynmen barlyq muzdyq qansha ýaqytta erip bitetinin ózderińiz esepteı berińizder», - dedi V.Bojko. Onyń aıtýynsha, bul jahandyq máseleni sheshýde búkil álem bolyp jumylý qajet. «Jahandyq jylyný degen óte úlken qater. Men BUU bastamasymen Japonııada ótken klımattyń ózgerýine baılanysty búkilálemdik kongerske bardym. Sonda Muhıttyq araldardaǵy elder ókilderiniń aıtýynsha, Antarktıda men Soltústik muzdy muhıttyń muzdary erise, olardyń memleketteri de sý túbine ketýi ǵajap emes. Óıtkeni, olar teńiz deńgeıinen nebary 1-2 metr ǵana joǵary. Sondyqtan de búkil álem bolyp shuǵyl sharalar qabyldamasaq, ol qater bizge de tónedi», - dedi V. Bojko.
