Jahandyq jylyný deńgeıi álem boıynsha Qazaqstanda óte joǵary
NUR-SULTAN. QazAqparat – Ondaǵan jyldar boıy Qazaqstanda aýa temperatýrasynyń kóterilý normasy álem elderinen áldeqaıda joǵary bolyp otyr. Bul týraly «Qazgıdromet» RMK Bas dırektorynyń orynbasary Serik Saıyrov málim etti, dep habarlaıdy QazAqparat tilshisi.
«Keıingi 40 jylda Qazaqstanda aýa temperatýrasy orta eseppen ár 10 jyl saıyn 0,32°S joǵarylap otyrdy. Bul – jer shary boıynsha aýa temperatýrasynyń kóterilý normasynan áldeqaıda kóp. Dúnıejúzindegi ortasha ósý qarqyny – 0,18°S deńgeıinde, ıaǵnı jahandyq jylyný deńgeıi álem boıynsha Qazaqstanda óte joǵary. Al, 2021 jyl elimizdegi eń jyly bes jyldyqqa kirip otyr. Kórsetkish anomalııalyq ózgeris engenge deıingi ortasha jyldyq temperatýradan 1,5°S artyq. Sondaı-aq, jazda aptap ystyqtyń qaıtalanýy jıilep keledi. Qurǵaq aımaqtarǵa jańbyr jaýý uzaqtyǵy artyp barady. Respýblıka boıynsha kúndizgi jáne túngi aıazdardyń jıiligi tómendeı bastady», - dedi Serik Saıyrov.
Sonymen qatar, sońǵy 35 jylda Qazaqstanda gıdrologııalyq qubylystar da jıilegen. «Qazgıdromet» málimetinshe, sý tasqyny qaýpi orta eseppen 42 oqıǵaǵa kóbeıdi. Budan ózge Serik Saıyrov Kaspıı teńiziniń tartylyp bara jatqanyna toqtaldy.
«Kaspıı teńiziniń deńgeıi qazirgi kezde 28,68 m tómendep, 23 myń sharshy shaqyrymǵa tartyldy. Al, Balqash kóliniń tolqýy 342,5 m deńgeıinde. Balqashta shuǵyl ózgerister joq. Kaspıı teńizi qatty taıazdap ketti», - dep málimdedi «Qazgıdromet» RMK Bas dırektorynyń orynbasary.
Serik Saıyrovtyń aıtýynsha, mundaı ekologııalyq máselerdiń sebebi – jahandyq jylyný deńgeıiniń joǵarylaǵany men qorshaǵan ortaǵa degen qamqorlyqtyń joqtyǵy.
