Jahandyq jylyný AQSh-ty tanymastaı ózgertedi
ASTANA. QazAqparat - The Nature Conservancy halyqaralyq tabıǵatty qorǵaý ortalyǵynyń mamandary jahandyq jylynýdyń AQSh-qa aıtarlyqtaı áser etip, aımaqty tanymastaı ózgertýi múmkin degen sheshimge keldi.
Ǵalymdardyń pikirinshe, eń sezinerlik ózgeris álemdik muhıt deńgeıiniń kóterilýi bolady. Mamandardyń boljamynsha, muhıt sýy 2,4 metrge deıin kóterilýi yqtımal. Bul jaǵalaýdaǵy aýdandar turǵyndarynyń eldiń ishine qaraı kóshýine soqtyryp, qazirgi ekojúıege keri áserin tıgizedi, dep jazady epochtimes.ru.
Sý basýdan basqa, AQSh-ty buryn-sońdy bolmaǵan aptap ystyq kútip otyr. Ǵalymdardyń pikiri boıynsha, 100 jyldan keıin AQSh-ta qysta qar túsetin jerler sany qysqarady.
Jahandyq jylynýdyń AQSh-qa áserin baǵalaý boıynsha ulttyq baǵdarlamaǵa túrli elderdiń 300-den astam sarapshysy qatysyp otyr. Olar qalyptasqan ekologııalyq jaǵdaıdan shyǵý jolyn belsendi izdeýde.
