Jahandyq jasyl damý ınstıtýty Qazaqstannyń balamaly energetıka salasyndaǵy áleýetin zerttep shyqty
ASTANA. 30 qarasha. QazAqparat - Qazaqstannyń jasyl ekonomıkaǵa kóshý strategııasy aıasynda Jahandyq jasyl damý ınstıtýty (GGGI) elimizdiń osy saladaǵy múmkindikterin saralap, tıisti usynys-keńesterin daıarlap shyqty.
Joba jetekshisi Sherın ıÝnniń habarlaýynsha, bul jumys ótken jyly qolǵa alynyp, negizgi eki másele - sý resýrstary jáne energetıkaǵa arnaldy. «Joba aıasynda biz Qazaqstanda energetıkalyq tıimdilikti arttyrý boıynsha erkin kelisimderdi engizý tetikterin ázirlep, óndiristik salalarda energetıkalyq aýdıtti ótkizý joldaryn usyndyq. Sondaı-aq oǵan qandaı kompanııalardy ashý qajettigin kórsettik. Osynyń bári mańyzdy máseleler bolyp sanalady», - deıdi Sh.ıÝn. Jahandyq jasyl damý ınstıtýty (GGGI) Qazaqstannyń balamaly energetıka salasyndaǵy áleýetin de baǵalap, oǵan qajetti resýrstardy da eseptep shyqqan kórinedi.
